ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានលើកឡើងរបស់លោកស្រី តាំង ហ្គិចលៀង ពិតជាមានបំណងល្អក្នុងការចែករំលែកនូវបទពិសោធន៍ដែលខ្លួន តែមានកំហុសត្រង់រៀបពាក្យមិនត្រូវ។

សម្ដេចតេជោបានសរសេរបញ្ជាក់បន្ថែមទៅលើផ្សារសំឡេងពិសេសរបស់សម្ដេចកាលពីល្ងាចមិញនៅថ្ងៃទី២ ខែមេសា ឆ្នាំ២០២៣ ថា ការយកពាក្យត្រឹមទម្លាប់អ្នកមាននិងទម្លាប់អ្នកក្រដែលលោកស្រី ហ្គេចលៀង បាននិយាយដោយខ្វះការបែងចែកស្ថានភាពខុសគ្នារវាងអ្នកមានទ្រព្យនិងការខុសគ្នារវាងអ្នកមានជីវភាពខ្វះខាតនិងការរៀបពាក្យមិនបានល្អអាចធ្វើឲ្យមានការភ័នច្រឡំថាលោកស្រីមើលងាយអ្នកក្រទៅវិញ។

សម្ដេចថា៖ «សូមមើលព្រៃទាំងមូលគួបផ្សំជាមួយមើលដើមឈើមួយដើមៗទើបដឹងថាព្រៃស្រោងឬព្រៃរិចរឹល»។

សម្ដេចតេជោស្នើឱ្យបញ្ឈប់ការវាយប្រហារគ្នាលើពាក្យអ្នកមាននិងពាក្យអ្នកក្រចាប់ពីពេលនេះតទៅផងដែរ៕